برد
ف برد الظلم بنشوفه
بيتكلفت ف توب خوفه
ويحني القهر في قامته
ف يتعكز على صمته
***
يجوع للنور فيتصبّر بكسرة حلم
و مسروقة لقم قوته.... ولا بيهم
و يتقلب على شوك الألم و الظلم
و يتكلّمْ دي مفروجة و لا بي هم
***
ولسه اللأة مكتومة ف سقف الحلق
ولساها حروف صوته تخاف م الخنق
بداء الصمت بيداوي ف أحزانه
ويتبرّع بأوجاعه لإخوانه
ولسه الخوف ف وجدانه
وصمت وتيه
بييجوا ف لحظة بيبانوا
ف نني عنيه
أحمد الحضري: برد، من ديوان "اقفل عليك الحلم"
ليست هناك تعليقات:
إرسال تعليق