بحبك وأنطلق عصفور
وأسبح في الفضا والنور
وأملا الكون بأغانيا
ولو كان الجناح مكسور
أحبك
تستكين الريح ف قلبي
والأماني تصيح
بحبي
وأعشق التصريح
ودربي
ف الضباب مغمور
أحبك
تبتدي البدايات
تاخدني ضحكتك بالذات
تعيدني
روح.. وقلب.. وذات
تزيدني كشف للمستور
أحبك
ضي روحي يبان
وأعبر ضلمة الحرمان
وأهجر غابة الأحزان
وأحقق حلمنا المسحور
بحبك وأنطلق عصفور
وأسبح في الفضا والنور
وأملا الكون بأغانيا
ولو كان الجناح مكسور
جمال بخيت
هناك تعليقان (2):
الله الله الله
هناء: موافقة جدًااااااا
ما تتخيليش بأحبها قد إيه، كفاية إنه جايب فيها سيرة المغامير;))
إرسال تعليق